BUTUAN CITY – Nagduso na og duha ka sugyot balaudnon sa Bills and Records Section sa Kamara ang House Quad Committee adiser ang ilang ikawalo nga joint hearing aron ipamatuod nga ang ilang gihimo, makita nga in aid of legislation.
Sa iyang opening statement, gibutyag ni House Committee on Human Rights chairman Rep. Bienvenido Abante Jr., nga apil sa ilang giduso ang House Bill No. 10986 kansa duna’y kalambigitan sa extra judicial killings o EJK ug House Bill No. 10987 nga mas nailang Anti-Offshore Gaming Operations Act.
Dungan niini ang iyang bahad sa mga tawong guilty sa maong mga kremin nga ang ilang House Quad Committee, mahimo nilang gamiton in aid of prosecution.
Misaad pa si Congressman Abante nga dili muhunong ang kamara hangtud nga ang mga nalambigit sa mga kremin nga ilang gi-imbestigahan, dili madakpan, dili mataral, dili mahukman ug dili mabilanggo.
Kini aron mahatagan og hustisya ang mga biktima sa kremin, apil na ang nagbangutan nilang pamilya.
