BUTUAN CITY – Nagtuo si Senador Ronald Bato Dela Rosa nga gamiton sa International Criminal Court ang gihimong pagdungog nga House Quad Committee batok na sa duguong drug war sa Duterte Administration.
Sumala sa senador, wala matud pa’y duda nga si House Speaker Martin Rumualdez ang nagpaluyo sa imbestigasyon kansa mao usab matud pa’y nagkumbinse sa mga opisyal nga gustong mubali ug mag-execute og affidavit batuk nila ni kanhi Presidente Rodrigo Roa Duterte aron mupabor sa International Criminal Court.
Dugang sa senador, sigurado usab siyang gi-recruit sa kamara si PLT.COL. Jovie Espenido aron mamakak og manumangil nga si dela Rosa ang nagpapatay sa mga drug personalities.
Ang pamahayag ni Senador Ronad Bato dela Rosa.
Kahinumduman nga gidamay na sa duha ka mga resources persons sa House Quad Committee si kanhi Pangulong Rodrigo Duterte nga duna matud pa’y kalabutan sa pagpapatay sa tulo ka mga Chinese drug lords. Nahukman ang maong mga Intsik ug gibilanggo sa Davao Penal Colony kon DAPECOL nga karon mao na ang Davao Prison and Penal Farm.
Gihimo ang imbestigasyon aron ma-usa ra pagtuki ang mga isyu kalabot sa extrajudicial killings, war on drugs campaign sa administrasyong Duterte ug ang mga criminal activities nga gilambigitan sa Philippine Offshore Gaming Operators.
