BUTUAN CITY – Gibawi ra sa House quad-committee ang ikaduhang contempt order batok na kang Katherine Cassandra Li Ong, human nakita sa mga mambabablaod nga nahimo rang “cooperative” si Ong dihang ning tubag nalang kini sa mga pangutana nga gibuno kaniya sa komitiba.
Kahibaloan nga sa hinapos sa third quad-committee hearing, gisugyot ni Lanao del Sur 1st District Rep. Zia Alonto Adiong ang pagbawi sa contempt order ni Ong.
Una nang gikatakda nga iditene si Ong sa Correctional Institute for Women human nga na cite in-contempt kini sa ikaduhang higayon tungpod sa pagdumili niini sa pagtubag sa tanang pangutana sa mga kongresista kaniya, diin na desisyonan nga dalhon kini sa maong Correctional Institute.
Una na usab nga gideny ni Cassandra nga magkapartner sila ni Alice Guo sa negosyo, sumala niini nga uyab ra niya ang igsoon ni Alice nga si Wesley Guo.
Ang pamahayag ni Cassandra Li Ong.
Alayon niini, ning pirma usab si Ong og bank secrecy waiver arun masusi sa Anti-Money Laundering Council kon AMLC ang iyang tulo ka mga bank accounts.
Alayon niini, magpabilin gihapon si Ong sa House custody human nga wala gibawi sa mga mambabalaod ang pinaka una nilang contempt order batok kaniya.
Unang na cite-in-contempt ang maong indibidwal human nga nag dumili usab kini og tubag sa ilang mga pangutana, asa balikbalik niining gipamugos ang iyahang right against self-incrimination.
