BUTUAN CITY – Gibirahan ni Vice President Sara Duterte kaganina ang imbestigasyon sa House Committee on Good Government and Public Accountability ngadto sa Office of the Vice President kalabot sa alegasyong misuse of public funds.
Sa kalit nga pagpakita ni VP Sara sa maong inquiry, mihatag siya og halang nga pito ka minutong opening speech, kondiin iyang gisaway ang panel ug ang privilege speech nga gi-deliver ni Manila 2nd district Rep. Rolando Valeriano niadtong Septembre 3. Gipadayag ni Duterte nga ang maong imbestigasyon, wala’y laing tuyo kondili mao lang ang gipunduhan gyod og maayo ug gi-coordinate pa og maayo nga political attack ug pagpangandam alang sa posibleng pagpangandam sa pagpasaka og impeachment case batuk kaniya.
Gipadayag pa niini nga ang gihimo matud pa sa panel, naklaro gikan sa mga pulong sa maong privilege speech hinungdan sa gimugna nga inquiry— usa matud pa ka speech nga nagbutyag sa mga pulong nga “Do not vote for Sara in 2028”.
Dugang pa sa besi-presidente, nasayod ang tanan nga ang House of Representatives lang ang magbuot kung hatagan og budget ang Office of the Vice President o dili. Nasayod siyang dili ang budget ang puntirya sa maong hearing kondili ang pagpasaka og impeachment case batuk kaniya.
