BUTUAN CITY – Pila ka buwan lang human natukod, mi-ani gilayon og pag-ila sa Guinness World Records ang usa ka hotel nga gitukod sa Campuestohan, Negros Occidental isip pinakadakong building nga giporma og higanteng manok nga sunoy.
Ang pinakabag-o nga tourist spot gitawag og Campuestohan Highland Resort kansa dunay building nga nagsukod og 34.931 metros ang gitas-on, 12.127 metros ang gilapdon, ug 28.172 meters ang gihabugon.
Sigon ni Ricardo Tan, ang tag-iya sa maong hotel, gusto niya nga mohimo og usa ka butang nga dili kasarangan ukg gani, unom ka buwan siyang naghuna-huna sa konsepto ug nagplano unsaon pagtukod ang building hangtud nasugdan niini og tukod niadtong Hunyo 10, 2023 ug nahuman niadtong Septyembre 8, ning tuiga.
Pagka-Nobyembre 5, 2024 gi-ila kini sa Guiness isip ‘Largest building in the shape of a Chicken’.
