BUTUAN CITY – Gikumpirma sa Health Ministry sa Gaza nga gipadagan sa Hamas nga napatay sa Israeli airstrike ang director sa Indonesian Hospital sa maong lugar uban ang pipila ka membro sa iyang pamilya.
Gikondena sa ministry ang gihimo sa Israel nga mikalas kang Dr Marwan Sultan tungod kay makonsidera kining heinous crime batuk sa ilang mga medical cadres.
Samtang gipadayag sa Israeli military nga ilang na-igo ang gitawag nilang “key terrorist” gikan sa Hamas sa Gaza City area dayong pasabot nga ang mga claims nga duna’y namatay nga mga sibilyan nga dili angayang mamatay tungod sa airstrike, ila na karong gi-review.
Kini gawas pa sa laing lima ka mga tawong namatay ug ingon man na-angol sa strike nga gihimo didto sa al-Mawasi “safe zone”.
Si Dr Sultan mao ang director sa Indonesian Hospital, nga mideklarang out of service na ang ospital tungod sa wala’y hunong nga pagpangatali sa Israel resulta sa dako nga damyos sa maong ospital.
