BUTUAN CITY – Naka-abot na sa The Hague, Netherlands ang kinamanghurang anak ni kanhi Pangulong Rodrigo Duterte nga si Veronica ug iyang common law partner nga si Cielito “Honeylet” Avanceña aron pagbisita kaniya sa International Criminal Court (ICC).
Kagahapon, nakit-an ang mag-inahang Honeylet ug Kitty sa gawas nga bahin sa ICC detention center in Scheveningen, The Hague, diin gidetine ang kanhi pangulo. Mi-abot sila duha ka adlaw adiser ang ika-80 ka tuig nga adlaw’ng natawhan sa kanhi pangulo.
Una nang gipadayag ni Vice President Sara Duterte nga gikatakdang mubisita ang iyang igsoong si Kitty ug inahan niini ngadto sa iyang amahan sulod sa ICC detention center ugmang adlawa , Marso 28.
Samtang ang iyang inahang si Elizabeth Zimmerman, gikatakdang mu-abot sa Marso 28 o kaha 29. Ang pagkostudiya sa ICC sa kanhi presidente, mugna sa iyang pagka-aresto tungod sa akusasyong crimes against humanity nga gika-ingong nakumitar matud pa atol sa war against drugs sa iyang administrasyon.
