BUTUAN CITY – Ningkabat sa kapin 2,900 ka mga Holy week related injuries ang natala sa Philippine Red Cross (PRC) karong adlawa atul sa Semana Santa 2025, isip pagbantay sa maong ahesnya sa Holy Week Operations 2025.
Subaysa datus sa PRC, nakahatag matud pa ang ilahang ahensya og tabang sa 2,911 ka mga indibidwal sa tibook nasod gikan sa alas-8:00 sa buntag kagahapong adlawa atul sa Biyernes Santo. Lakip sa mga natabangan ang 2,690 nga gipailawom sa vital signs, 166 nga tungod sa mga minor nga sakit, ingon man 5 usab ang natalang major cases. Upat ka tawo usab ang gidala sa balay-tambalanan.
Lakip sa mga minor cases ang abrasions, abdominal pain, bee stings, burns, dizziness, hypertension, ug uban pa. Ang major cases usab gilangkuban sa mga samad, dislocation, ingon man dizziness.
Nakadeploy usab ang PRC og anaa sa 53 ka mga ambulances arun suportahan ang ilahang operasyon, ingon man 16 ka mga service vehicles, 2 ka mga rescue boats, ug ubana pang himan nga gipangunahan sa 701 ka mga empleyado sa PRC, lakip ang 621 ka mga volunteer.
Gipakalat usab ang mga PRC stations sa uabng mga lugar sama sa simbahan, bus terminals, mga beach, ug uban pang mga nag-unang destinasyon sa tibook nasod.
