BUTUAN CITY– Limitado lamang ang gitugutan nga mutambong sa Holy Mass sa Vatican City sa Roma nga pangunahan mismo ni Pope Francis.
Kini ang gibutyag ni Edward Reyes usa ka OFW gikan sa Milan,Italy sa eksklusibong pakighinabi sa Bombo Radyo Butuan.
Sumala niini nga ang mga dunay tickets lamang ang pweding makasulod sa misa apan kadtong walay tickets mahimong mutan-aw na lamang sa dakong screen sa gawas nga bahin sa St. Peter’s Basilica sa Roma.
Gani, ipadayag lang sa Santo Papa ang pagsaulog sa ika 50 ka tuig nga Cristyanismo sa Pilipinas ug human niini bas-basan sa Santo Papa ang mga mitambong nga mga Pilipino sa misa.
Samtang nakatakda usab nga ipailalom ugmang adlawa sa Red Zone ang katunga sa Italy tungod sa subling pagsaka sa ihap sa mga kaso sa COVID-19 ug sa buwan sa Abril 3 hangtod 5 panahon sa Holy Week, ipatuman na sa tibook Italya ang lockdown aron nga makunhuran ang pagdagsa sa mga tawo.
Kini tungod na usab sa nakasulod na sa nasangpit nga nasud ang UK variant nga mitala og daghang mga kaso hinugdan nga gustong pahugtan sa gobyerno ang health protocols kondiin walay pweding makagawas nga mga residente gawas lamang niadtong mga health officials o kadtong dunay essential nga rason.
Apan sa pagkutlo niini nga balita, wala pa mabakunahi batok COVID-19 si Reyes apan andam matud pa siya nga magpabakuna ugaling muhangyo ang doktor nga magpabakuna siya alang sa trabaho.
Sa karun gilauman lamang nga mahimong pas-pas nga ang vaccination roll out sa maong nasud aron makontrola gilayon ang pagkaylap sa makamatay nga virus.
