BUTUAN CITY – Anaa na karon sa West Philippine Sea ang aircraft carrier sa United Kingdom nga HMS Queen Elizabeth alang sa himuong naval exercises uban sa Austrian Navy, ug mga Navy personnel gikan sa France, Japan, New Zealand ug South Korea.
Sa eksklusibong pakighinabi sa Bombo Radyo Butuan kang Bombo International correspondent Denmark Suede direkta gikan sa Sydney, Australia, gipadayag niining ka-uban sa maong aircraft carrier ang duha ka mga destroyers kondiin ang usa, iya sa US Navy. Lulan usab niini ang napulo ka mga F35 B kansa mao ang latest jet fighter sa Estados Unidos.
Kini matud pa ang unang higayon nga sakay sa British aircraft carrier ang mga US Navy uban sa napulo ka mga eroplano kondiin walo niini alang sa F35B ug lima usab ang iya sa Gran Britanya.
Uban usab sa panon ang duha ka mga frigate kondiin usa niini sa Gran Britanya samtang usa ang sa Netherlands, anaa pa ang anchor replenisher ug usa ka submarine ug ning mi-aging napulo ka mga adlaw, mi-apas na usab ang frigate sa Germany.
Padulong na kini sa kadagatang gi-angkon sa China human nga naka-agi na sa India, Singapore ug Malaysia kondiingil-eskortan sila sa mga navy ships sa mga nasud nga ilang naagi-an gawas lamang dinhi sa Pilipinas nga daw gi-deadma lang sila.
Giklaro usab ni Suede nga wala’y nalapas ang HMS Queen Elizabeth sa paglawig padulong dinhi sa West Philippine Sea tungod kay nagsubay kini sa international waters gawas pa nga ang pagsakop sa China sa Exclusive Economic Zone kon EEC sa Pilipinas, klarong paglapas sa United Nations on the Convention of the Law of the Sea kon UNCLOS nga nagpabor sa claim sa Pilipinas sa parte sa West Philippine Sea nga gibutangan karon og mga barko sa China.
Ang paglawig matud pa sa maong aircraft carrier paagi sa pagpakita sa UK nga andam nilang depensahan ang ilang mga ka-alyadong nasud sa rehiyong Asya-Pasipiko.
Wala matud pa siya’y nakita nga musangpot kini sa kagubot tungod kay pagpakita ang kini sa political statement sa Urupa.
