BUTUAN CITY – Gideklara sa central committee sa Communist Party of the Philippines (CPP) ang ceasefire alang sa Pasko ug bag-ong tuig.
Sumala sa grupo, epektibo ang ceasefire gikan sa pagsulod sa Disyembre 25 hangtod alas-11:59 sa gabii sa Disyembre 26 ning tuiga, ug gikan sa pagsulod sa Disyembre 31 hangtod alas-11:59 sa gabii sa Enero 1 sa sunod tuig 2026.
Sulod niining upat ka mga adlaw, gibutyag ni CPP information officer Marco Valbuena nga gimandoan sa New People’s Army (NPA) ang pagpatuman sa active defense mode ug high alert batok sa mga ground ug aerial attack sa Armed Forces of the Philippines.
Sa pagkakaron, wala pa’y tubag ang panig sa militar bahin niini nga lakang sa rebeldeng grupo.
Sumala ni Valbuena, gi-isyu ang temporaryong hunong binakbakay isip pakig-uyon sa katawhang Pilipino sa yano nga selebrasyon sa tradisyunal nga mga holidays taliwala sa grabe nga kahimtangan sa sosyal ug ekonomiya sa nasod.
Gawas sa selebrasyon sa mga holidays, gibutyag usab si Valbuena nga ang ceasefire snasulod usab sa pagtimaan sa ika-57 nga anibersaryo sa CPP sa Disyembre 26.
