BUTUAN CITY – Gi-aksyunan na sa Philippine government pinaagi sa Department of Foreign Affairs ug sa Philippine Embassy ang pagkawala sa usa ka Pinoy sa natigayong sunog sa Hong Kong nga naka-apekto usab sa lain pang 23 ka mga Filipino domestic workers, lakip na ang usa nga na-ICU kon intensive care unit.
Gikumpirma ni Patricia Yvonne Caunan, ang administrador sa Overseas Workers Welfare Administration kon OWWA, nga 19 ka OFWs ang naluwas apan daghan ang nasunugan og passport ingon man kontrata, ug gihatagan gilayon sila og pagkaon, dignity kits ug ayuda.
Nakig-alayon na usab sila sa mga Hong Kong officials ug pamilya sa mga na-apektuhang Pilipino.
Sa kasamtangan nagpadayon gihapon ang mga awtoridad pag-imbestiga sa maong hitabo klondiin na-aresto na ang manager sa construction firm kansa minggamit og delikadong materyales sa pag-renovate sa apartment buildings.
