BUTUAN CITY – Nahukmang sad-an sa korte sa Hong Kong si pro-democracy media tycoon Jimmy Lai sa pakigkunsabo sa langyaw’ng mga pwersa ilalom sa kontrobersiyal nga national security law sa Hong Kong.
Ang 78-anyos nga si Lai, nanamilit sa iyang pamilya samtang gi-eskortan paggawas sa hukmanan ug nag-atubang og silot nga tibuok kinabuhing pagkabilanggo.
Sigon sa hukmanan sa Hong Kong, nagmugna matud pa og mga balita si Lai aron makab-ot ang pipila ka politikal nga tumong kansa gitawag sa mga human rights groups nga paglapas sa tawhanong katungod dayong kondena sa matud pa, kataw-anan nga hustisya.
Si Lai, usa ka British citizen ug hugot nga kritiko sa estado sa China, rason nga gi-ila siyang usa sa mga importanteng personalidad sa mga pro-demokrasya nga protesta nga mi-uyog sa Hong Kong niadtong 2019.
Mitubag ang Beijing sa mga protesta nga milungtad og pipila ka bulan pinaagi sa pagpapa-pasar sa National Security Law (NSL), nga ilang gi-ingong gikinahanglan alang sa kalig-on sa siyudad.
Apan sumala sa mga kritiko, gipalong niini ang kagawasan sa pagpadayag ug pagsupak, ug gipapriso ang daghang mga aktibista sama ni Lai
