BUTUAN CITY – Gihukman sa korte sa Hong Kong ang pro-democracy tycoon nga si Jimmy Lai og 20 ka tuig nga pagkabilanggo human siya napamatud-ang sad-an sa mga kaso nga may kalabotan sa national security niadtong Disyembre.
Kini ang pinakagrabe nga silot nga gipahamtang ilalom sa kontrobersyal nga national security law, nga sigon sa China, gikinahanglan alang sa kalig-on sa siyudad.
Si Lai, nga nagkupot og British passport, usa sa pinakakusog nga kritiko sa Beijing, ug kanunay niyang gigamit ang iyang pro-democracy nga mantalaan nga Apple Daily isip human sa protesta.
Unom ka kanhi executives sa maong mantalaan ang gipreso usab nga adunay mga silot nga gikan sa unom ka tuig ug siyam ka bulan hangtod 10 ka tuig.
Gitan-aw si Lai isip bayani sa pro-democracy movement, apan giisip siya sa Beijing isip traidor.
Kanunay niyang gipanghimakak ang mga akusasyon.
