BUTUAN CITY – Nisaka na ngadto sa 694 gikan sa 483 ning nakalabay’ng tuig ang natalang kaso sa Human Immunodeficiency Virus kon HIV sa rehiyon sa Caraga, diin 208 niini ang naggikan ning dakbayan sa Butuan.
Sa eksklusibong pakighinabi sa Bombo Radyo Butuan, gibutyag ni Anthony Torralba – focal person sa Butuan City Health Office, nga nag-unang mode of transmission pa gihapon sa maong sakit ang dili luwas nga pakighilawas.
Sigon sa opisyal kada tuig, makatala ug patay ang ilang buhatan tungod sa maong sakit diin kasagaran sa mga niini, late diagnosis.
Base sa National HIV treatment hub, mitala usab ang Butuan City ug 89% sa mga nipailawom sa treatment nga kumpirmadong ni-ubos ang viral loads sa lawas.
Nanghinaot si Torralba nga mahimo na unya kining siento-porsiento tungod kay higayong mu-ubos ang viral loads sa usa ka pasyente, mu-ubos usab ang transa sa transmission sa virus.
Tungod niini, dili na kaayo sila ma-alarma sa mga nipailawom sa treatment gawas niadtong mga nagpabiling in denial bisan ug nagpositibo sa test ug mibalibad nga mupa-ilawom sa pagpatambal.
Gibutyag sa opisyal nga padayon pa nilang gipanubayan ang mga nahimong sexual partners sa mga nagpositibo sa maong sakit.
Pagbana-bana sa ilang buhatan mukabat sa ka-upat ka pilo ang posibleng nahimong transmission niini gikan sa usa nga nagpositibo sa HIV.
