BUTUAN CITY – Mi-abot na ngadto sa kinatibuk-ang 2,196 ka mga kaso sa Human Immunodeficiency Virus kon HIV ang natala sa Department of Health-Center for Health Development (DOH-CHD) Caraga gikan sa 1995 hangtud sa September 2025.
Kini nga statistics, gipa-ambit ni Arlene Serrano, CHIV program coordinator sa maong buhatan.
Ang maong gidaghanon, nabahin sa siyudad ug mga lalawigan ning rehiyon kondiin ang Butuan City, nakatala og 522 ka mga kaso samtang
379 ang natala sa Agusan del Sur, 299 sa Surigao del Sur, 192 sa Surigao del Norte ug 158 Agusan del Norte.
Mas taas kini og 731 ka mga kaso kumpara sa 1,464 nga natala sa mi-aging tuig 2024 ug nagpasabot nga padayon ang pagtaas sa insidente sa HIV sa rehiyon.
Kadaghanan sa mga kaso gikan sa age bracket nga 25 hangtud 34-anyos, gisundan sa 15–24 anyos.
