-- ADVERTISEMENT --
BUTUAN CITY – Gipadayag ni Pangulong Ferdinand Marcos Jr., nga sayu pa aron hisgutan ang paghatag og executive clemency kang Mary Jane Veloso tungod kay anaa pa lang sa preliminary stage ang pag-abot ni Veloso sa nasud.
Sumala sa pangulo, nasayud sila sa hangyu sa pamilya ni Veloso para sa iyang clemency, apan tun-an una og maayo sa legal experts ang sitwasyon aron masayran kung angayan ba kini.
Sumala sa Pangulo, walay kondisyon nga gihatag ang gobyerno sa indonesia ug gisalig na sa gobyerno sa Pilipinas ang disesyon. Pasagdan una niyang masusi sa mga experto ang sitwasyon karun ni Veloso.
Si Veloso miabot sa nakalabay nga adlaw sa nasud gikan sa Indonesia ug gidiretso sa Women’s Correctional sa Mandaluyong City diin siya gidetini.
