BUTUAN CITY – Nagpabiling gawasnon sa Coronavirus disease 2019 kon Covid-19 ang lungsod sa Hinatuan, Surigao Del Sur. Kini ang gikumpirma ni Mayor Shem Garay sa eksklusibong pakighinabi ning sibyahan.
Sumala pa sa mayor nga covid-free ang iyang lungsod bisan paman nga miabot na sa 700 ka Locally Stranded Individuals kon LSIs ang ilang giatiman.
Sigon pa sa opisyal nga lauman karung semanaha madugangan na usab ang maong ihap ilabina kay gibutan sa General Community Quarantine kon GCQ na ang cebu diin seguradong mag-abli na sa ilang mga airports.
Gipaneguro ni Mayor Garay nga dawaton nila kini basta musunod lang sa protocols sama sa rapid test nga magpamatood nga negatibo kini sa virus, medical certificate ug travel authority gikan sa PNP.
Tungod niini, naghimo sila og duha ka quarantine facilities ilabina kay hangtud sa Agosto 15 na lang pwede nilang magamit ang kasamtangang mga isolation facilities ilabina ang tunghaan tungod sa gitakda usab nga pag-abli sa klase sa katapusang semana ning bulana.
Pasabot pa ni Mayor Garay, ideretso sa quarantine facility ang muabot nga LSI diin magpabilin kining naka-isolate sulod sa 7 ka adlaw adiser ipailalom sa rapid test ug didto na masuta ang iyang kahimtang.
Wala usab gitugutan sa mayor ang mga quarantine facilities sa matag barangay tungod sa kawad-on na usab sa panudlanan sa mga barangay samtang dako usab ang tsan-sa nga mo-oliot sa pagsibat ang naka-quarantine ilabina kay dool kini sa iyang mga higala og pamilya.
