BUTUAN CITY – Off limits na kon dili na padu-ulan og mga tawo ang Hinatuan Doppler Radar Station, usa ka landmark nga anaa sa sentrong bahin sa lungsod sa Hinatuan, nga maoy reference point sa weather disturbance.
Gi-cordon na kini karon human nasayran sa gihimong assessment sa mga sakop sa Department of Public Works and Highways nga dili na luwas ang maong istraktura tungod sa mga dagkong liki niini.
Human ang ocular inspection, gitaho sa Department of Public Works and Highways ang severe damage sa doppler radar station nga makonsiderang kuyaw sa kaluwasan sa publiko apil na ang mga buildings nga nagpalibot niini.
Padayon usab ang gihimong building inspection sa mga sakop sa Municipal Engineering Office sa tanang mga establisamiento human kini gimando ni Mayor Shem Garay, aron matumbok ang mga imprastrakturang luwas ug kadtong nanginahanglan na og repair.
