BUTUAN CITY – Paspas nga gitapuk-an sa mga amigas ang usa ka highway sa California tungod sa daw lapok tan-awon nga mga chocolate nga mitabon niini. Kini human nasunog ang trak nga gikargahan niini resulta nga ang maong dalan, natabunan gayod sa kapin 30,000 hangtud ngadto sa 40,000-libras sa nalanay na nga tsokolet.
Sigon sa California Highway Patrol, daling gitawagan ang mga bombero aron adtuon gilayon ang westbound Interstate 580, duol sa Grant Line Road sa Dublin area. Napalong sa mga bombero ang kalayo nga milamoy sa trak ug ulahi na nilang nadiskubrehan nga karga diay niini ang 40,000-libras sa tsokolet kansa tungod kay milanay human na-initan sa kalayo, paspas kining milanap sa dalan nga daw lapok.
Gihimo gilayon ang clean-up operation nga milungtad og pipila ka mga oras samtang daling nakasibat ang driver sa trak adiser hingpit nga gilamoy sa kalayo ang maong sakyanan.
