BUTUAN CITY – Sa ikatulong higayon, subling nakuha sa San Roque Metals Incorporated kon SRMI ang highest presidential award gikan sa Environmental Management Bureau kon EMB.
Sigon ni Ryan Anthony Culima – corporate vice president for corporation sa SRMI, tungod kini sa gipatuman nilang mga lakang alang sa maayong pagmina og pagprotiher sa kina-iyahan.
Sa eksklusibong pakighinabi ning sibyahan, gibutyag sa opisyal nga gihimo matud pang basehan sa paghatag sa maong award ang proseso sa pagmina, sa reforestation, apil na niini ang gipatumang mga programa alang sa komunidad sama sa pagmugna og patubig, panginabuhian sa katawhan, suporta sa edukasyon sa kabataan og skills training.
Tag-upat ngadto sa tag-lima ka adlaw matud pang gilibot sa napulo ka mga personahe sa mga hingtungdang ahensya sa gobyerno ang tanang mga minahan sa nasud, adiser nagpili og minahan nga nakasunod sa ilang palisiya kondiin karong tuiga, subli kining nakuha sa SRMI.
Gidugang sa opisyal nga gawas sa ilang kompanya, nakuha usab sa Agatha Mining Ventures Incorporated kon AMVI ang platinum award alang sa susamang kampanya. (Beth Ruiz)
