BUTUAN CITY – Gipagawas sa gobyerno ang High Security Alert sa kinatibuk-ang Bangladesh, tungod sa nagpadayong panagtigi sa mga estudyante ug mga pulis.
Ang capital Dhaka anaa na sa tunga-tunga sa halos total internet blackout, kondiin bisan ang linya sa telepono na-bug down na.
Kagabii libuang mga protestors ang misulong sa state broadcaster BTV, kondiin ilang gipang-vandalan ang mga gamit, gipangbu-ak ang mga bintana, mga suga ug gipangsunog pa ang pipla ka parte sa ilang dakbalay.
Sigon sa Bangladesh’s information minister, nahunong na ang ilang pag-broadcast ug mibiya na sa maong building ang kadaghanan sa ilang mga empleyado apan daghan pa nag na-trap sa maong dakbalay ukg nagpakitabang na sa fire service aron mapalong ang kalayo.
Una nang mi-apela si Prime Minister Sheikh Hasina nga magmakalmahon lang human ang pila ka adlaw nga bayolenteng protesta nga miresulta sa pagkamatay sa 19 ka mga tawo samtang gatusan ang angol.
Nagrali ang mga estudyante kondiin ilang gi-demand ang pag-usab sa sistema nga nagreserba matud pa sa katlu-an sa public sector jobs alang sa mga kabanay sa mga beterano sa giyera sa maong nasud nga maoy hinungdan sa ilang kagawasan gikan sa Pakistan niadtong 1971.
