-- ADVERTISEMENT --
BUTUAN CITY – Gipalubong gilayon sa Bureau of Fisheries and Aquatic Resources kon BFAR ang napadpad nga sun fish sa baybayon sa Purok 4, Brgy. Manapa, Buenavista, Agusan del Norte nga namatay ra paglabay sa pipila ka oras.
Sigon ni Kapitan Raul Labisores kon alyas Kapitan Bas-uy sa pakighinabi sa Bombo Radyo Butuan, napalgan ang maong isda samtang nanghinlo sa baybay nga bahin sa Ocean Bloom diin una pa kining gitu-uhan nga usa ka iho.
Nakumpirma lamang nga usa kini ka sun fish dihang mi-aot ang taga-BFAR kansa mitimbang og 250 kilos kansa duna’y gitas-ong 1.9-metros og usa ka metro ang gilapdon.
Nasayrang ang maong klase sa isda didto lang mapalgan sa pinakalawom nga bahin sa kadagatan. (Beth Ruiz)
