BUTUAN CITY – Nadiskubrihan sa tropa sa 23rd Infantry “Masigasig” Battalion, Philippine Army ang gi-abandonang tago-anan sa kumunistang New People’s Army sa kalasangang bahin sa Mt. Indocay, Sitio Bulak, Barangay Lower Olave, Buenavista, Agusan del Norte.
Ang gi-abandonang hideout dunay sukod nga 300 metros kwadrado nga mo-akomodar sa dili moubos 30 ka mga tawo.
Gibutyag sa mga sibilyan sa maong lugar nga gi-abandona sa mga rebelde ang maong tago-anan mga lima ka bulan na ang nakalabay.
Narekober gikan sa maong lugar ang usa ka Generator, usa ka magazine sa AK-47 rifle, duha ka magazines sa M-14 rifles, duha ka magazines sa caliber .45 pistol, 40ka buhing bala sa CTG 5.56mm balls, 8ka bala sa CTG caliber .30 balls, usa ka bolt assembly sa M15E2S rifle, usa ka barrel sa M15E2S rifle, usaka lower receiver sa M15E2S rifle, usa ka upper og lower handguard sa M15E2S rifle, usa ka butt sa M15E2S rifle, usa ka buffer tube sa M15E2S rifle, usa ka butt plate sa M-14 rifle, og usa ka upper receiver sa caliber .45 pistol.
Ang nasangpit nga impormasyon gipagawas ni 1Lt. Roel T. Maglalang, Civil Military Operation kon CMO Officer, sa 23IB Philippine Army.
