BUTUAN CITY – Mitahan ngadto sa 23rd Infantry Battalion, Philippine Army ilawom sa operational control sa 402nd Infantry Brigade, 4th Infantry Division sa Brgy. Bancasi, ning siyudad sa Butuan ang usa ka high ranking Communist Party of the Philippines-New People’s Army kon CPP-NPA terrorist leader uban sa siyam niya ka mga membro.
Naila ang mga mitahan nga sila Lino Atipan Namatidong alyas Kumander Dahon, ang commanding officer sa Headquarters Force (HQF) Neo.
Uban sa iyang pagtahan ang iyang asawang si Reyna Nanganlag Namatidong alyas Meray ug Snooky, Regional Staff for Education and Propaganda; Nestor Panhayan Namatidong alyas Labni ug Jono; Ronie Namatidong Polistico alyas Ka Allan; Lyka Namulanta Lagaolao alyas Ka Jelly; Besto Tumanan alyas Ka Lagbas; Gay-gaya Tumanan alyas Ka Longhair; Ronald Abalang Dungogan alyas Ka Onad; Angleo Lomakin Pal-ot alyas Ka Selda ug Jerry Pinatubas Inantag alyas Ka CJ.
Sigon ni 23rd IB Commanding Officer Lt. Col. Jeffrey Balingao, ang maong mga surrenderees sakop sa Headquarters Force NEO, Regional Sentro De Gravidad COMPAQ, ug Sub-Regional Committee 1 kon SRC1 sa North Central Mindanao Regional Committee.
Bitbit sa ilang pagsurender ang duha ka M16 armalilte rifles, tulo ka shotguns, usa ka AK47 rifle, duha ka M203 grenade launchers ug tag-usa ka carbine rifle ug garand rifle.
Dugang ni LtCol. Balingao, gibutyag matud pa sa magti-ayon kinsa gi-ilang high-value individuals, nga ang ubos nga morale, kawala’y direksyon sa ilang gipakigbisugan ug ang tumang kakapoy maoy nagpariyalisar kanila pagbiya na sa maong kalihukan ug mutahan sa sabakan sa balaud.
