BUTUAN CITY – Mapasigarbuhong gitaho sa Department of Trade and Industry kon DTI-Caraga ang kusog nga halin sa mga Caraganon coconut entrepreneurs nga misalmot sa tulo ka adlaw nga 2025 Coconut Festival nga gipahigayon sa Siargao Islands sa Surigao del Norte.
Ang maong kalihukan nga gisugdan kagahapong adlawa ug matapos ugma, usa ka tinuig nga trade fair nga mag-display ug magbaligya og nagkada-iyang mga produktong gama sa lubi.
Sigon ni Freedcarmarian Gonzaga, ang Senior Trade Industry Development specialist sa DTI-Caraga, sa unang adlaw sa trade fair, kusog kaayo ang halin sa uling ug bahalina nga gisundan sa uban pang mga trasditional coconut products.
Gawas pa kini sa mga bag-o ug enhanced nga mga produktong kuha gikan sa lubi sama sa bar shampoo, facial cream, lip balm, bar soap, massage oil ug uban pa.
Ang maong mga produkto gikan matud pa sa mga micro, small and medium enterprises kon MSMEs sa tibuok Caraga Region apan duna matud pa’y special setting ang mga produktong gikan sa Siargao Islands kansa pulos halinon ilabina sa mga lokal ug langyaw’ng turista.
Si Freedcarmarian Gonzaga, ang Senior Trade Industry Development specialist sa DTI-Caraga.
