BUTUAN CITY – Pasakaan og indirect bribery ug malversation charges sa National Bureau of Investigation kon NBI sila Senador Joel Villanueva, ug Senador Jinggoy Estrada, lakip na usab si Rep. Zaldy Co.
Gipadayag kini ni Justice Secretary Jesus Crispin Remulla human silan gitumbok ni kanhi Department of Public Works and Highways (DPWH) district engineer Henry Alcantara sa gipanumpaan niining pamahayag nga lakip matud pa sa nakadawat og salapi gikan sa kickback scheme sa mga proyekto sa DPWH Bulacan.
Sumala ni Remulla atul sa Senate Blue Ribbon Committee Hearing kagahapon, gi-review na sa Department of Justice, NBI ug Anti-Money Laundering Council (AMLC) ang gipanumpaang pamahayag ni Alcantara diin nakalatid ang akusasyon kansa kumpirmasyon na lamang sa una nga gibulgar nila ni dismissed DPWH engineers Brice Hernandez ug Jaypee Mendoza.
Gipanganlan ni Alcantara si Representative Co nga mingsal-ot matud pa og balor 35-bilyunes pisos sa national budget niadtong 2022 kondiin 20% matud pa ang nadawat niini gikan sa maong budget insertions. Una nang gipanganlan nila Hernandez ug Mendoza sila Senador Estrada, nga mingsal-ot matud pa og 355 bilyunes pesos nga budget, ingon man 600 milyunes pisos usab kang Villanueva.
Subay niini, gibutyag sa Justice Secretary nga nag-isyu na og freeze order ang AMLAC batok sa nasangpit nga mga indibidwal subay na gihapon sa rekomendasyon sa National Bureau of Investigation nga pasakahan og kaso ang maong mga opisyal.
