BUTUAN CITY – Mibati og kabalaka ang pipila ka mga negosyante sa Surigao City human mipatim-aw ang grupong nagpailang tribo og nag-padlock sa mga establishemento sa may Barangay Sabang sakop sa maong siyudad kagahapon sa kaadlawon.
Nasayrang gipangunahan ang maong grupo sa usa ka Datu Adlawan o nailang si Jorgeto C. Santisas nga maoy nagpaila-ila sa ilang grupo nga Federal Tribal Government of the Philippines.
Gipamugos sa grupo nga anaa sa yutang kabilin ang nasangpit nga mga pamatigayon rasong kinahanglan silang mangayu og Land Occupancy Certificate kon LOC.
Ang maong lakang naghatag og kabalaka sa nanag-iya sa mga pamatigayon diin usa ka tindahan ang hilabihan nga nasakit tungod kay gi-padlock ang ilang gi-rentahan nga luna samtang sila anaa sa sulod.
Subay niini, mismong ang hepe sa Surigao City nga si Police Lt. Col. Mariano Lukban ang mihangyu kang Datu Adlawan nga ihunong ang ilang pag-padlock.
Kini subay na usab sa pakig-estorya sa duruha tungod sa nahatag nga kahadlok sa maong grupo.
Gihangyu nalang sa hepe si Datu Adlawan nga dili kini ipadayon human sa ilang diskusyon diin gibarugan sa Datu nga dili sila sakop sa gobyerno og gane ang mga pulis dili pwedeng mobadlong kanila hinoon mo-assister sa ilang gihimo.
