BUTUAN CITY – Gipahimanguan sa Philippine Heart Association ang mga Pilipino pinaagi sa Presidente niini nga si Dr. Rodney Jimenez sa ka-importante sa ehersisyo alang sa panglawas sa katawhan.
Sumala sa maong opiysal nga dakong tabang matud pa ang pag-ehersisyo matag adlaw sa tibook semana.
Apan dugang niini nga nasuta matud pa sa usa ka pag-tuon nga mas maka-prevent sa heart related disease ang pagbaktas-baktas matag adlaw ibali na kon mo abot matud pa sa 10-mil ka tikang ang mahimo sa usa ka tawo. Dugang niini nga mamahimo matud pa kini nga ma reduce ngadto sa 6-mil ka mga tikang, apan mas epektibo matud pa ang nag-unang ihap alang niadtung gusto makunhuran ang timbang.
Alayon niini, gipahinumduman gihapon sa maong opisyal ang mga Pilipino nga importante gihapon ang pagbaton og regular nga checkups, pagmonitor sa blood pressure, cholesterol level, ingon man blood sugar, partikular na niadtung mga diabetic nga indibidwal.
