BUTUAN CITY- Wala na matud pay maayong dagan sa nahitabong hearing sa Senate Blue Ribbon Committee tungod kay anaa laman sa mga gagmay nga personalidad naka pukos ang maong komitiba.
Sumala ni Atty. Orly Vicente Montalban, Legal Expert, nga base sa iyang na obserbaran aton sa hearing daw ang mga gagmay’ng mga tao lang ang gipukosan ug ang mga dagkong personalidad ingon man big fish nga gipang bulgar sa mga whistleblower, sa mga gipangbulgar ni Batangas 1st District Leandro Antonio Legarda Leviste sa Cabral files ug ingon man ang exposy ni Zaldy Co, inay wala gipakita.
Sigon pa ni Atty. Montalban, nga kung tan-awon kahibalo na matud pa ang mga katawhan sa kung unsay kamatuoran bisan paman nga gipanalipdan sa Senado ang mastermind sa nahitabong korapsyon sa nasud hilabi na sa mga ghost flood control project, gani na diskurahe kini tungod daw adunay giprotektahan ang committee.
Dugang pa sa Legal Expert, nga kulang og principles ang gihimong hearing sa Senado hilabi nga wala ang mga dagkong indibidwal nga involve o mastermind hinuon adunay mga personalities apan sukwahi sa gi-expect nga magpakita gani aduna usab matud pa pagsupak sa balaod nga kung tan-awon kinahanglan nga i-correct sama matud pa sa pagpa-ubos ni Engr. Henry Alcantara sa Witness Protection Program kon WPP diin asa questionable ang pagkalakip niini sa maong listahan.
Sumala pa ni Montalban, nga si Alcantara list guilty, ug kung tan-awon ang mga testimonya niini dili kwalipikado, ug lakip kini sa ilang gihimo nga pagpangurakot sa kwarta sa katawhan.
Gani minghatag kini og milyones pesos ug daw aduna pay dugang nga ihatag.
