BUTUAN CITY – Inay nga mutambong sa imbestigasyon sa House Committees on Public Information, Public Order and Safety ug Information and Communications Technology, ang mga bloggers nga gi-imbitar sa House Tri ComM, mas gipiling mudangop sa Korte Suprema arOn pagduso sa ilang petisyon batuk sa maong pagdungog.
Inay nga ilang ipasabot ngadto sa Kamara, nagdesisyon silang mu-adto sa Supreme Court aron pagsubmite sa ilang petisyon batuk sa imbestigasyong pangunahan ni Laguna Rep. Dan Fernandez kinsa igo na lang nakapangalot sa iyang ulo.
Nasayrang dili mu-ubos sa 40 ka social media personalities ang gipatawag isip resource persons sa unang public hearing sa House Tri-Comm mahitungod sa pagkuyanap sa fake news ug disinformation sa nasud.
Tumong matud pa sa pagdungog nga maprotektahan ang matag-Pilipino batuk sa sayop nga impormasyon ug mahisgutan ang mga hagit sa regulasyon batuk sa online disinformation.
