BUTUAN CITY – Naghi-usa ang mga opisyal sa Department of Labor and Employment kon DOLE-National Capital Region ug ang Philippine Health Insurance Corporation Regional Office National Capital Region aron masulbad na ang gap tali sa mga trabahanteng Pilipino ug sa mga benepisyo sa panglawas nga gimando sa gobyerno nga kasagaran lisod nilang ma-access tungod sa mga prosesong byurokratiko ug kakulang sa kahibalo.
Kini pinagi sa ilang pagpirma og Memorandum of Agreement (MOA), nga nagpalig-on sa ilang hiniusang paningkamot sa pagpaayo sa proteksyon sa panglawas sa mga trabahante pinaagi sa pag-apil sa Yaman ng Kalusugan Program kon YAKAP sa kasamtangang workplace wellness programs alang sa mga empleyado sa pribadong sektor sa Metro Manila.
Tumong nila nga mas mapadali ang pag-enroll, mas mahatagan og klarong impormasyon ang mga trabahante ug masiguro nga magamit gyud ang ilang benepisyo.
Sumala sa PhilHealth, importante nga kahimsog sa panglawas sa mga trabahante aron mas produktibo sila sa ilang trabaho.
