Nakaabot na sa Malaysia si Presisdente Ferdinand Bongbong Marcos Jr. alang sa pagtambong sa 46th ASEAN Summit and Related Summits.
Kauban ni Marcos sa maong byahe si First Lady Louise ”Liza” Araneta-Marcos, Presidential Communications Secretary Jay Ruiz, Trade and Industry Secretary Christina Aldeguer-Roque, ug Mindanao Development Authority head Tereso Magno.
Sayrang gibilin ni Marcos ang Pilipinas sa mga caretaker niining sila si Executive Secretary Lucas Bersamin, Justice Secretary Jesus Crispin “Boying” Remulla, ug Agrarian Reform Secretary Conrado Estrella III.
Luwas nga nakaabot ang Presidente sa maong nasod bandang alas 5:41 sa Bunga Raya VIP Complex sa Kuala Lumpur International Airport.
Subay nini, lauman matud pang i-asdang ni Marcos sa maong summit ang soberanya sa Pilipinas ilabi na sa geopolitical tension sa nasod, ingon man ang ethical ug responsableng paggamit sa Artificial Intelligence, lakip na usab ang baruganan niini tali sa Estadus Unidos.
Una nang gikataho sa Department of Foreign Affairs (DFA) nga 22 ka mga dokumento ang lauman gikan sa Summit, lakip ang Kuala Lumpur Declaration on ASEAN Vision 2045, joint statements gikan sa 2nd ASEAN-Gulf Cooperation Council (GCC), ingon man ang ASEAN-GCC-China Summits.
Lauman usab nga mohimo Marcos ug ubay-ubay nga mga bilateral meetings ug moapil sa nine leaders’ engagements, lakip ang mga sesyon sa ASEAN Business Advisory Council, mga representante sa kabatan-onan, ug mga parliamentarian.
Moapil usab kini sa 16th Brunei, Darussalam-Indonesia-Malaysia-Philippines East ASEAN Growth Area (BIMP-EAGA) Summit, diin ang Presidente maoy mangulo; 2nd ASEAN-GCC Summit; ug sa ASEAN-GCC-China Summit.
