BUTUAN CITY – Giklaro ni Agusan del Norte Governor ug Regional Task Force on COVID-19 One Caraga Shield chairman Dale Corvera nga wala’y kagahom ang si bisan kinsa mang local government unit sama sa Cabadbaran City nga magpatuman o kaha maglugway sa enhanced community quarantine nga dili magpa-apruba sa Inter-Agency Task Force on the Emerging Infectious Diseases kon IATF-EID.
Kini human nga nakumpirma kagahapon nga duna’y upat ka mga Cabadbaranons nga nagpositibo sa maong makamatay nga coronavirus dihang napa-ilawom sa rapid anti-body tests.
Sa eksklusibong pakighinabi sa Bombo Radyo Butuan, gipadayag ni Governor Corvera nga samot nang dili makabuot-buot pagdeklara o kaha pagpadayon sa ECQ ang Cabadbaran City tungod kay component city lang kini sa Agusan del Norte kansa ipa-ilalom na karon sa general community quarantine kon GCQ.
Gipasabot pa noini nga lahi ang sitwasyon sa Cabadbaran City sa Butuan City tungod kay ang Butuan isip usa ka highly urbanized city, ang mayor duna’y kagahom nga ipailalom sa ginsakpan niining mga barangay sa enhanced community quarantine.
