BUTUAN CITY – Gibasura ni Senate President Francis “Chiz’ Escudero ang hangyo sa House panel of prosecutors nga patubagon dayon si Bise Presidente Sara Duterte sa mga articles of impeachment batok kaniya.
Kini human personal nga niduso sa House prosecutors nga gipangulohan ni House Minority Leader Marcelino Libanan ang motion nga mi-apela sa Senado nga patubagon si VP Sara sa articles of impeachment.
Base sa gisugyot nga kalendaryo, ang Senado mag-convene isip impeachment court karong Hunyo 3. Apan giklaro ni Senate President Chiz Escudero nga adiser lang magduso og Articles of Impeachment ang Kamara kung duna na’y sesyon ang Senado.
Samtang, gisaway pa ni Escudero si Libanan tungod kay dili na niya dapat tudlukan ang mga magbabalaod sa kalainan tali sa sesyon ug recess tungod kay usa siya sa mga nagsulat sa mga lagda sa kamara, nga matod niya susama sa lagda sa Senado.
Klaro pa niini, nga dili pweding mag-issue og writ of summons tungod kay wala pay sesyon ug wala pa na-convence ang impeachment court.
