-- ADVERTISEMENT --
BUTUAN CITY – Gipadayag sa Hamas nga ilang gi-abisuhan ang mga mediators nga andam na silang musulod sa “full agreement” uban sa Israel tungod kay klaro ang ilang posisyon nga kung mahunong na ang occupation ug ang pagkadamay sa mga tawo sa Gaza, dili na sila magduha-duha pa pagsulod niini.
Apil sa maong kasabutan ang kumprehensibong exchange deal. Una nang gibutyag sa Gaza nga andam nilang tapuson ang giyera nila sa Israel kung ihunong na sa Israel ang pag-atake sa Gaza strip.
Madumdumang nagpataliwala ang Qatar ug ang Egypt sa peace agreement sa Hamas ug Israel kondiin pila ka higayon nang duna’y gihimong negosasyon ang duha ka panig.
