BUTUAN CITY – Halos tibook rehiyon na sa Caraga ang apektado sa kusog nga pag-ulan nga dala sa Shearline og Easterlies. Sigon ni Ronald Anthony Briol, tigpamaba sa Office of the Civil Defense kon OCD-Caraga, laumang madugangan pa ang natala nilang mga lungsod gikan sa Surigao Del Norte, Surigao Del Sur, Agusan Del Norte og Agusan Del Sur nga apektado sa daot nga panahon.
Sa 32 ka pamilya nga apektado, 7 niini ang kasamtangang anaa sa evacuation center tungod sa pagbaha. Gibawal usab ang paglawig sa mga sakyanang pandagat gikan sa lungsod sa Claver ngadto sa Socorro og Bucas Grande sa Surigao Del Norte.
Sa mga nagsuspende og klase, muabot na sa 14 ka mga lungsod ang nagpatuman niini tungod sa mga pagbaha diin pinakadaghang lugar nga nabahaan ang Surigao City nga dunay pito, tulo ka lugar nga nabahaan usab sa Agusan Del Sur particular ang Sta. Josefa ug Loreto rasong duna nay mihimo sa pre-emptive evacuation samtang nabahaan usab ang Panaytayon sa RTR, Agusan Del Norte.
Nakatala na usab ang ilang buhatan og duha ka landslide incidents nga nahitabo sa lungsod sa Bacuag og Taganaan parehong sakop sa Surigao Del Norte.
