BUTUAN CITY – Na-intercept atol sa port interdiction operation sa Liloan Ferry Terminal, Brgy. San Roque, Liloan, Southern Leyte, pasado alas-12:15 sa tungang gabii kagahapon, Nobyembre 8, ang 57 ka teabags sa shabu nga mitimbang sa 57-kilos ug mikantidad og ₱387,600,000.00.
Kini atol sa gilusad nga routine inspection sa composite team gikan sa Philippine Drug Enforcement Agency (PDEA), Philippine Coast Guard (PCG), Southern Leyte Maritime Group (SLMG), Liloan Municipal Police Station, Regional Intelligence Unit (RIU) 8, Provincial Intelligence Unit ug Philippine Ports Authority (PPA) sa nangabot nga mga sakyanang karga sa MV FastCat M17, nga gikan pa sa Surigao City, Surigao Del Norte.
Atol sa inspection,nakita sa grupo ang usa ka abandonadong virgil grey Mitsubishi Montero nga unang gitu-uhang duna’y kargang mga eksplosibo apan sa gihimong subsob nga inspeksyon, didto napalgan ang tulo ka dagkong bag sa compartment niini kansa gilingkuran sa usa ka narcotic detection dog kansa usa ka positibong alerto sa illegal drugs ug dinhi na nakita ang maong ilegal nga druga.
Sa gihimong follow-up investigation sa identity ug sa nahimutangan sa driver, nasuta nga naggikan kini sa Surigao, samtang ang sakyanan,nakarehistro sa taga-Carmen, Surigao del Sur rason sa padayon karong follow-up operations, backtracking sa biayhe sa sakyanan ug ang paglusad og hot pursuit sa driver.
