BUTUAN CITY – Ipa-ilalom sa drug test ang usa ka konsehal sa lungsod sa Buenavista, Agusan del Norte og sa confirmatory test usab ang suspected shabu nga nakuha gikan sa iyang pinuy-anan human ang gihimong anti-illegal drug operations kaganinang kaadlawon.
Nakuha gikan sa gi-raid nga panimalay ni Ronilo Bohol, 50-anyos, residente sa Purok 1, Brgy. Matabao, Buenavista, Agusan del Norte ang duha ka dagkong sachets sa gidudahang shabu nga duna’y timbang nga 22.4-gramos og gibana-banang nagkantidad og halos 270-mil pesos.
Sigon ni PCol. Christian Rafols, tigpamaba sa Police Regional Office (PRO) 13, himuon ang raid pasado alas-2:40 kaganinang kaadlawon sa mga sakop sa Buenavista Municipal Police Station, Agusan del Norte Provincial Intelligence Branch, Agusan del Norte Provincial Mobile Force Company og sa Philippine Drug Enforcement Agency kon PDEA Caraga.
