BUTUAN CITY – Miabot sa 480 ka drayber sa pampublikong sakyanan ang napailalom sa random drug test kagahapong adlawa sa tibook rehiyon sa Caraga. KIni human na usab malampuson ang Oplan Harabas, Drug Test Muna bago Pasada sa Philippine Drug Enforcement Agency kon PDEA.
Sa pakighinabi kang Dindo Abellanosa, Regional Information Officer sa PDEA-Caraga, gibutyag niining nagpahigayon sila ug drug test sa mga tricycle driver saMontilla Boulevard, sa mga UV Express drivers, Jeepney, multicab og van.
Sumala pa ni Abellanosa sa katibuk-ang 480 ka drayber ang na-drug test sa rehiyon, ang nag-negatibo. Apan duna matud pay 5 ka drayber samay San Francisco, Agusan Del sur nga misibat og wala nagpa-drug test.
Sigon ni Abellanosa, nakuha na nila ang pangalan sa mga misibat nga drayber.
Gipahayag nalang sa opisyal nga alang sa kaluwasan sa sumasakay nga publiko og pagpangandam usab sa semana santa ang gihimung random drug test.
