BUTUAN CITY – Irepresentar ni Filipina-British Christina Dela Cruz Chalk ang Great Britain sa Miss Universe 2024 nga himuon sa Septembre 28 sa Mexico.
Sa iyang Instagram account, gipadayag ni Christina nga ang pagdaog sa pageant mao ang nagriyalisar sa dugay na niya nga damgo.
Daghan matud pa ang nasayod niini kondiin dili lang kini ang una, ikaduha ug ikatulo niya nga pagsulay sa @missuniversegb.
Garbo usab matud pa niya nga kaduha siya na-1st runner-up ug samtang nagka-edaran, daghan siya og nasinatiang mga ups & downs sa iyang kinabuhi hangtud nga nagdesisyon siya nga panahon na aron mag-move on.
Dihang gitangtang matud pa sa Miss Universe Organization ang ilang age restrictions, dinhi na misantop sa iyang huna-huna nga duna siya’y ‘unfinished business’ rason nga proud kaayo siyang iyang gisunod ang iyang kasing-kasing.
Nakompleto usab ni Christina ang pag-compete niya sa Miss Universe Philippines 2024 uban sa Top 20 finish niadtong Mayo.
“My @themissuniverseph family, I learned so much from you all. I am so grateful for our incredible moments. I can’t wait to see you in Mexico @manalochelsea”.
Christina de la Cruz Chalk
Samtang ang taga-Bulacan nga si Chelsea Manalo nga maoy gikoronahang Miss Universe Philippines 2024, mao usab ang murepresentar sa nasud sa prestihiyusong pageant karong tuiga.
