BUTUAN CITY – Usa ka Brazilian rainbow snake nga nagpuyo sa City of Portsmouth College sa Portsmouth ang nangitlog og 12 ka buok sa ikaduhang higayon, bisan wala’y partner.
Sigon sa animal management center sa kolehiyo, ang bitin nga ginganlan og Ronaldo, kalit lang nanganak og 14 ka anak niadtong 2024 bisan wala siya’y contact sa laing halas , ug karon nanganak na pud siya og 12.
Ang proseso sa pagpanganak bisan walay kapikas gitawag nga parthenogenesis, ug talagsa ra kini makita sa Brazilian rainbow boa kondiin ikatulo pa lang ka higayon kini na-dokumento. Si Ronaldo mao ang unang nahibaw-an sa iyang klase nga nakabuhat ani kaduha ka higayon.
Ang parthenogenesis nakita na usab sa ubang hayop nga gi-atiman human sa pagkabihag sama sa usa ka iguana sa The Exotic Zoo sa Telford kansa nakapusa og walo ka anak bisan wala gyud siya nakahilawas og laki.
Sa laing kaso, usa ka swell shark ang napusa sa Shreveport Aquarium sa Louisiana, bisan duha ra ka babayeng iho ang naa sa tangke.
