BUTUAN CITY – Patay na sa edad nga 72-anyos ang actor sa sikat nga salida ug nobela nga Harry Potter nga si Robbie Coltrane kinsa nailang si Rubeus Hagrid sa salidang Harry Potter.
Sa pamahayag sa agent niini nga si Belinda Wright karong adlawa, gikumprma niining mipanaw na ang aktor sa hospital sa Falkirk Scotland, human nabani-og nga duna’y sakit ning nakalabay’ng 2 ka tuig.
Sa pamahayag usab ni Daniel Radcliffe, ang main character sa maong salida, si Robbie ang pinakamalipayon sa ilang tanan ug maoy naghatag kalipay kanila sa set isip mga batang aktor kaniadto.
Gidumdom usab ni J.K. Rowling – writer sa nobelang Harry Potter – ang kamatayon sa aktor pinaagi sa Twitter Post, sugyot niini nga labaw pa sa swerte nga nakaila niya si Robbie.
Apil sa mga proyektong nasudlan sa aktor ang TV series nga Cracker niadtung 1993 hangtod 1995 ug 2006 isip criminal psychologist nga si Dr Eddie “Fritz” Fitzgerald kansa maoy nakapadaug kaniya isip best actor sa tulo ka sunod-sunod nga higayon sa Bafta Awards.
Nominado usab ang aktor sa BAFTA alang sa iyang mga character sa drama nga National Treasure ingon man sa Tutti Frutti.
