BUTUAN CITY – Gikumpirma ni Butuan City Water District kon BCWD General Manager Engr John Michael Benito nga anaa na sa below critical level ang tubig sa Taguibo Watershed nga gikabalak-ang maghatag unya og kakulangan sa water supply ilabina kung wala’y mubundak nga ulan.
Sigon sa opisyal, nangandam na silang daan sa mga angay buhaton aron ma-ubsan ang masinating kalisod sa mga konsumador tungod sa kawala’y igong supply sa tubig.
Plano sa BCWD nga muhimo og inter-agency collaboration, apil sa buhatan ni City Mayor Lawrence Lemuel Fortun aron pakusgan ang mitigation measures.
Gipasalig niining ablihan ang upat ka mga back-up pumping stations alang sa dugang nga supply sa tubig; susihon pag-ayo ang posibleng leak; pahugtan ang pagsira sa illegal connections, ug palapdan ang pagrasyon sa tubig sa mga barangay nga dili na ma-abot sa regular nga awas sa tubig.
Subay niini, gi-awhag ni Engr Benito ang mga konsumidor nga dili mag-usik-usik sa paggamit og tubig, ug i-report sa ilang buhatan kung dunay makit-ang leaking alang sa pagpreserba sa tubig.
