BUTUAN CITY – Dili mu-ubos sa 12 ka mga Palestino ang patay kondiin katunga kanila mga bata, human ang gilusad nga airtstrike sa Israel sa Gaza Strip sukad pa sa kaadlawon, usa ka adlaw adiser ang planong pag-abli pag-usab ang Rafah crossing.
Kaganina, usa ka Israeli air strike ang mi-igo sa usa ka tolda nga giulian sa mga bakwit nga katawhan sa al-Mawasi, ang dapit sa amihanang-kasadpan sa siyudad sa Khan Younis, nga mikalas og 7 ka mga Palestino, lakip na ang tulo (3) ka mga bata kondiin gidala ang ilang mga patay’ng lawas sa Nasser Medical Complex sa Khan Younis.
Sa Gaza City, gitaho sa mga emergency services nga limausab ang patay lakip ang tulo ka mga bata, sa Israeli air strike nga mi-igo sa usa ka apartment building sa Remal neighborhood sa kasadpang bahin sa siyudad.
Gawas pa kini sa laing walo nga na-angol human sa Israeli bombing sa usa ka apartment building sa Daraj neighborhood sa Gaza City.
Sumala sa Government Media Office sa Gaza, labing menos 524 ka mga Palestinian na ang napatay sa Israeli forces sukad nga mi-epekto ang United States-brokered ceasefire sa Gaza niadtong Oktubre 10, 2025.
