BUTUAN CITY – Padayon pang gipangita sa mga otoridad ang tulo ka mga indibidwal nga nawala tungod sa pagkusokuso ni Bagyong Crising sa Luzon. Sumala ni Office of the Civil Defense Administrator Rafaelito Alejandro IV, kumpermado matud pang tulo na ka mga indibidwal ang nawala sa tibook nasod tungod sa padayong pagkuso-kuso ni Bagyong Crising.
Sumala sa opisyal nga sa duha sa tulo ang namissing sa Antique human kini naanod atul sa kalit nga pagbaha samtang sila nangatulog sa ilang balay sa Sitio Banglid sa Barangay Bacalan, sumala sa Provincial Disaster Risk Reduction and Management Office sa Antique padayon pa nilang giila ang maong mga indibgidwal; samtang ang laing usa, namissing Palawan dihang nibisita kini sa dagat taliwala sa daot nga panahon nga ming resulta sa dagkong mga balod.
Sa kasamtangan, padayon pang gibiripika sa mga opisyal ang nahisgutang mga indibidwal. Samtang subay sa monitoring sa ahensya, ning kabat na sa 215-mil ka mga tawo sa 495 ka mga barangay ang apektado sa daot nga panahon sa tibook Pilipinas — kadaghanan sa mga niini ang natala sa Negros Island Region ingon man sa Panay.
Samtang, lakip usab ang rehiyon sa Caraag sa walo ka mga rehiyon nga nakasinati og mga pagbaha, subay gihapon sa nasangpit ang ahensya.
Sumala ni Alejandro nga lakip sa mga nakasinati og pagbaha gawas sa Caraga ang Ilocos Region, MIMAROPA kon Mindoro, Marinduque, Romblon, ug Palawan, Bicol Region, Western Visayas, Central Visayas, Zamboanga Peninsula, ug Soccsksargen kon South Cotabato, Cotabato, Sultan Kudarat, Sarangani, ug General Santos City.
Dugang pa sa ahensya, anaa na sa 26 ka mga lugar ang nagpabiling gibaha, diin apektado niini ang 57 ka mga road sections ug unom ka mga tulay.
