BUTUAN CITY – Pormal nang gitanggal sa trabaho ang security guard sa usa ka sikat nga mall kansa nakitang gikumpronta ug daw gimaltrato pa ang usa ka batang namaligya og sampaguita sa Mandaluyong City.
kahibaloang ninggawas ang video online diin makita nga gi-guba sa maong gwardya ang mga baligyang garland sa nahisgutang bata. Tungod usab sa kadismaya sa maong bata, gibunal niini ang mga nabiling buwak sa gwardya.
Apan wala nagpa-piri ang gwardya og gi sipa na hinoon niini ang bata aron kini mohawa. Subay niini, nagpagawas gilayon og statement ang nasangpit nga mall human ning kuyanap online ang maong video.
Subay sa kompanya nga dili na matud pa nila dawaton sa bisan-asa man nilang mga branch sa mall ang maong gwardya. Alayon niini, gitanggal na usab matud pa nila ang maong gwardya sa trabaho niini ug gimanduan na ang ahensya niini nga imbistigahan ang nasangpit nga panghitabo.
Sa kasamtangan, wala una panganli ang maong gwardya ingon man ang bata samtang nagpadayon pa ang imbistigasyon.
