-- ADVERTISEMENT --
BUTUAN CITY – Wala na’y plano pa ang kabanay sa usa gwardiya nga ipa-otopsiya ang patay’ng lawas niini nga napalgan na lang sulod sa usa ka pansayan nga iyang gisudlan kagahapon.
Naila ang biktimang si Adonis Velez, 40-anyos og residente sa Purok 2, Brgy. Imadejas ning siyudad sa Butuan.
Sigon sa ka-ipon sa biktimang si Janine Joy Bautista, pasado alas-11:20 sa buntag dihang misulod ang biktima sa pansayan aron maligo apan wala na makagawas pa.
Gibiyaan matud pa niya kini og dako na lang ang ilang kakurat dihang sa iyang pagpa-uli pasado alas-dos sa hapon, patay na kining nagbuy-od sulod sa maong pansayan. (Beth Ruiz)
