BUTUAN CITY- Usa ang ‘gutom factor’ sa mga rason nga gilampaso sa Filipinas San Carlos U-12 Team gikan sa Negros ang mga tag-as ug dako pa niining mga kalaban alang sa 2024 Real Madrid Foundation Clinics World Challenge at the Valdebebas Training Ground in Madrid, Spain niadtung Marso 26 ngadto sa 31.
Gipangunahan ang nasangpit nga kuponan sa mga star players niini nga sila si Klent Paul Montilla ug Felex Rey Caballero. Saysay sa Head coach sa maong kuponan nga si Francis Roy Barcuma, usa matud pa ang ‘kagutom’ sa mga bata nga ipalukapa ang ilang mga kalaban sa mga hinungdan nga ika-6 naka daug ang maong mga bata gikan sa pito niini ka dula.
Dugang sa nasangpit nga coach nga kasagran sa maong mga champions, gikan sa low-income family, rason nga nakita gayod nila ang kauhaw ug kagutom sa mga bata nga maka-uling dunay ikapasigarbo sa ilahang pamilya.
Kahibaloan gidomina sa nasangpit nga kopunan ang championship game niini kontra sa USA-Blue, diin gipakaulawan niini ang mga heganten kalaban sa iskor nga 3-0.
Gawas sa duha ka mga star players, gilangkuban ang maong kuponan sa lig-ong line-up nila ni Charles Adam Dignos, Twirl Gelito, Christian Paul Limpio, Mark Ross Mabesa, Dhroy Miguel, Mathew Jacob Pamilar, Franz Mekael Jhay Salvador, John Jacob Sildura, Ivan Dio Silvar, ingon man Frenchzuef Machryl Subrado.
