BUTUAN CITY – Patay nang napalgan kaganinang alas-9:30 sa buntag likod sa kasagbutang bahin kilid lang sa national highway sa Alviola Village sakop sa Brgy. Baan Km. 3 ning siyudad sa Butuan ang usa ka vegetable vendor sa Tabuan sakop sa Brgy. Holy Redeemer ning siyudad sa Butuan.
Naila ang biktimang si Leodeben Ocares, 40-anyos, duna’y ka-ipon, lumad nga taga-Purok 4, Brgy. El Rio, Sibagat, Agusan del Sur ug kasamtangang nagpuyo sa Brgy. Holy Redeemer.
Sigon ni Bombo Jerrymar Omisol, gikan sila sa iyang asawa sa sulod nga bahin usa ka village dihang ilang nabantayan ang misiwil nga tiil rason nga ila kining gibalikan ug nakumpirmang usa kini ka lalaki.
Nakatawag pa siya sa watchman usab sa Butuan City Water District pumping station nga si Ramil Mantilla kinsa nagbutyag nga sukad sa iyang pag-duty kaganinang buntag, wala siya’y nabantayan nga duna’y komosyon bisan og duna’y pader ang iyang gibantayang establisamiento.
